Hár hefur alltaf verið stór partur af mínu lífi. Fyrst og fremst vegna þess hve mikið af því ég sjálf skarta á eigin höfði. Þá erum við auðvitað fjölskyldan frekar loðin. Hár er svo mikill partur af mínu lífi að ég hef skrifað um það ótal pósta hér á þetta vinsæla blogg.
Sem dæmi:
- Stökkbreytta hárið
- Hárburstinn
- Hvað er uppi og ferð á hárskurðarstofuna
- Hárímeðferð
- Skapahár
- Baunir í handakrikann
- Söguþráðurinn orðinn 10 ára
- Það sem er ekki að finna í íslenskum sundlaugum
- Sturtusjokk
- Ruglaðist almættið?
- Ótamin typpi
- Líf kvenmannsins
Til þess að toppa þetta allt þá gerðumst við Ungstirnið á heimilinu (Sprengjan) leikarar og tókum þátt í uppsetningu Leikflokks Húnaþings vestra á söngleiknum Hárið. Mikið ÓSKAPLEGA! var það ótrúlega húrrandi skemmtilegt. Bara varla skemmt mér eins mikið í lífinu áður. Jedúddamía!
Við sýndum 5 sýningar og eina aukasýningu um páskana. Sendum svo sýninguna inn í keppni um áhugaverðustu leiksýningu áhugaleikhúsa og UNNUM! Þetta eru náttúrulega gamlar fréttir, því allt þetta var opinbert og kunngjört á Feisbúkk um leið og það gerðist.
Eldir dóttirin og móðurbetrungurinn í sínu hlutverki. Ég er þarna reyndar rétt fyrir aftan hana, sést í nefið á mér.
Mest allur hópurinn, hljómsveitin þarna undir til hægri. Við Ungstirnið til hægri líka, fyrir ofan hljómsveit.
Og mikið af hópnum.
Þá er næsta skref að fara í Þjóðleihús allra landsmanna og stíga þar á svið. Það verður nú gaman að ylja sér við minningar um að hafa gert það. Ekki slæmt, ekki slæmt.
Leave A Comment