2013-ennþá Örverpið
sindri-gif
2011-ennþá Örverpið
Örverpið er ekki orðið nógu gamalt til að sýna að það sé verðugt að fá annað nafn heldur en hefur loðað við það síðan það fæddist. Reyndar hafa mörg nöfn loðað við hann síðan hann fæddist. Til dæmis mætti nefna að hann er í daglegu tali kallaður Diddi og þegar hann ekki skildi almennilega mannamál þá var hann kallaður Litla Typpi. Það því hann var yngstur af karlkyni á heimilinu.Hann er að sjálfsögðu löngu hættur með snuð. Hann talar dönsku betur en íslensku og er ennþá alveg stórlega sætur og fagur og góðhjartaður og æðislegur. Já hann ætti kannski að fá nafnið Dekurbarn.Bústýra heldur sem fastast í smábarnið í honum. Smábarnið sem þarf ekkert annað en mömmu sína eða pabba og þá verður allt í lagi. Það er smá eftir af því ennþá. Ég veit ekki hvort er að hagnast á þessu íhaldi Bústýrunnar, foreldrar eða Örverpið sjálft því hann hefur fyrir mjög fasta reglu að hlunkast uppí rúm til okkar á nóttunni og láta okkur snúast í kringum sig rétt eins og við værum amman og afinn. En við gerum það, bara því hann er svo sætur

2008-Örverpið

Þetta er Sindri. Hann er fæddur 2006 síðastur allra barna (amk í þessari fjölskyldu) og heitir því Örverpið. Hann er dásamlegur náttúrulega og svo er hann sætur líka. Það eru skiptar skoðanir á því hverjum hann líkist. Hann er jú mikið meira líkur mér heldur en Sunneva, að talið er. En hann er líka skuggalega líkur Bóndanum og líka mÖmmu Lóu…svo er hann líka líkur mÖmmu R. Ég veit það ekki, kannski er það bara ekki þannig að ég beri mín yndisfögru útlitsgen yfir í blessuð börnin. Þau fá gáfur og skemmtilegt heit í staðinn og allt annað sem telst þeim til kosta, það kemur allsaman frá mér.

Sindri er ennþá með snuð, það verður trúlega jafn erfitt ef ekki erfiðara að fá hann til að sleppa því eins og að fá fíl til að fljúga. Hann er ástfanginn af snuðfjandanum. En meðan það heldur honum frá því að standa á orginu eða suðinu, þá er mér sama.