2013- Búnglingurinn
gummi-gif
2011-Búnglingurinn
Frumburðurinn er á aldursskeiði þekkt fyrir fyrirskapsveifluskapsveiflur. Ertu að ná þessu? Hann er kominn á forstig únglingaveikinnar. Ekki að ég ætli honum að fá þann viðbjóð! En ég undirbý mig fyrir það engu að síður.
Hann hefur, reyndar eins og alltaf, svakalegar skoðanir á hárinu á sér og hefur það sítt. Hann fer allur í kleinu þegar kvenmenn eða kærustur eru  nefndar. Hann vill vera eldri en hann er og hefur ekki ennþá náð að skilja að veraldlegar eigur eru ekki það sem skiptir máli í heiminum. Hann óskar þessvegna eftir flatskjám, snjallsímum og fleiru sem Bústýra ekki  kann deili á (allskonar leikjatölvur , í öllum stærðum og gerðum).
Mest af öllu langar hann samt að eiga hund. Það er á stefnuskránni að verða við því. Hundar eru æði.
Já, blessað barnið langar.
2008-Prinsinn
Guðmundur Steinar Aron er frumburðurinn. Hann ber það líka með sér að vera frumburður. Að minnstakosti hefur hann ekkert á móti því að leiðrétta framburð hjá okkur hinum eldri þegar við reynum að tala á dönsku. Hann er hinn vænsti drengur, hefur áhuga á öllu sem ég hef ekki áhuga á , t.d star wars, stríðsköllum og náttúrulega öllu því sem heitir strákadót. Ég veit ekkert hvernig ég á að haga mér þegar hann kemur og vill endilega fá eitthvað svaðalegt árásartæki, hann geti bara ekki lifað án þess…Hann er fæddur 2001 og er því elstur erfingjanna, eða ári eldri en sú sem fær næst mest af kökunni (og já það verður örugglega bara kaka í arf, við liggjum ekki á fé okkar heldur deilum því með gleði út til allra þurfandi versllunareigendanna) Hann er skírður í höfuðið á pabba mínum Guðmundi Halldórssyni og í höfuðið á pabba pabba síns Steinari Benjamínssyni og svo heitir hann Aron því mér finnst það vera flott, það er valið bara útí bláin. Gummi er ríkastur fjölskyldumeðlima, hann safnar fé eins og við söfnum …ekki fé og hann telur á hverjum degi hvað hann á mikið í veskinu sínu. Hann ætlar að kaupa sér tölvuleikja tölvu fyrir féð.