Ótrúlega vinalegan fugl hittum við eiginkonan í garði um daginn. Fuglinn var píííínulítill og var ekki feiminn við að koma …eiginlega of nálægt.

Verst ég er ekki viss hvað garðurinn heitir en hann er ótrúlega fallegur..reyndar eins og mörg græn svæði hér í Kaupmannahöfn. Þessi maður í rauða var líka mjög vinalegur. Ég súmmaði eins og ég gat á myndavélinni og náði af honum mynd við að gefa.. DÚFUNUM. OJ, veit maðurinn ekki að það er ógeðslegt að hafa dúfur í kringum sig. Ekki misskilja, ég er yfirleitt hrifin af lífverum, en dúfur bera með sér alveg ótrúlegt magn af ógeði.

Einhverntíma hafði ég þusað um  afdúfun svalanna hér á Englandi, hér má lesa sitthvað um það. Þar sem ég er orðin gömul og breisk, meir með meiru og almennur vælukjói þá hef ég ekki borið neinn kala til dúfanna sem kurra hærra og meira en nokkru sinni fyrr undir og yfir og allt um kring á svölunum.  Það var ekki fyrr en að við sáum þennan litla dauða fulg liggja í rennunni og brotið egg að ég fattaði að fjandans lætin í þeim þetta árið þýðir örugglega að það er hreiður undir mínum svölum…jaaaaaaaakkkkK. Furðulega var að daginn eftir var unginn horfinn..

Hvað í .. nei ég er sko ekki með affiðraða dúfulíkama eða hárlausar rottur á eldhúsborðinu mínu. Mér finnst þetta alltaf jafn fyndið, þetta eru rauðrófur sem ég drekk í tonnavís mér til heilsu og frábæris. Þær bara eitthvað dýrslegar í laginu.

Bóndadagur í nánd hér í DK. Veit ekki hvort það er svoleiðis allstaðar… En mömmudagur var um daginn og þá kom svona blað líka með myndum af ótrúlega fallegum mæðrum sem áttu allt best í heimi skilið. Nudd, spa meðferð, góða bók og allur bæklingurinn leit út fyrir að hafa verið ljósmyndaður í rómantískum sveitakofa með kertaljós og ilmkerti útum allt..jafnvel var ljósmyndarinn í fótabaði með lavenderlykt.

Bóndadagsbæklingurinn hefur mynd af alsberum manni framan á… HVAÐ segir það okkur??

Gat ekki annað en farið inní garðinn á leiðinni úr vinnunni. Þessi garður er umhverfis listasafn. Ég fór þar inn í gær. Verst ég get ekki nema bara sagt þér hvernig lyktin er þarna inni.. en ekki gefið hér smá prufu. Himnesk lykt.