Frumburðurinn 1 1/2 árs og Sprengjan alveg ný, sólarhringsgömul kannski. Koddaverið þarna er ennþá í notkun og allir hafa notað náttfötin sem Frumburðurinn er í. Honum þótti strax vænt um hana, enda er hann með eindæmum hjartahlýr drengur.

Þau mega varla af hvort öðru sjá og rífast ekkert endaulaust mikið.

Aðeins eldri, eins og tveggja kannski. Bæði með bleiu og snuð. Koddaverið með röndunum enn í notkun, bláa svængurverið er utan af barnasæng sem nýverið fékk (vá.. síðustu jól..kræst hvað tíminn flaug)  að fara niður í geymslu að mig minnir og svo er það ljósbláa koddaverið sem Frumburðurinn liggur á, en það notaði ég í 100 ár og svo endaði það greinilega heima hjá frúnni á Reyðó, því það kom til mín, eða helmingurinn af því, utan um bestu sultuna í heimi núna um daginn.

Og bara núna í gærkveldi. Köflótta sængurverið átti Bóndinn áður en við hófum búskap. Þau eru svo falleg öll börnin. Og við eigum ÞRJÚ. Þrjú meistaraverk. Ég sagði það áður og segi það enn að við erum svo góð í að búa til og ala börn að við ættum í raun og veru að taka að okkur að búa til fleiri börn,  börn fyrir betri heimi, það er nú bara þannig í pottinn búið.