Við fengum skyndiheimsókn hér um daginn. Það var hann pabbi minn sem kom hér og heiðraði oss með nærveru sinni. En nærveran hans er einmitt svo góð.
Við gerðum hitt og þetta. Mikið til vorum við að stikna úr hita. Það er stundum alveg bara strembið að vera á ferðinni og græja og gera þegar það er svona geðbilað heitt. Úff segi ég bara.
Við fórum meðal annars til útlanda. Já, ég segi og skrifa. Til útlanda fórum við familían. Við stukkum hér uppí lest og enduðum í Svíþjóð, Malmö. Auðvitað veit ég að það er stutt til Malmö, en það er engu að síður ferð til útlanda fyrir okkur og mun ég aldeilis stinga því uppí kvartginið á afkomendum mínum næst þegar þau væla yfir því að “allir hinir” hafi það betra og skemmtilegra en þau sjálf.
Í Malmö, sem ég hef ekki komið til síðan við fórum með Ásu hér um árið..eða fórum við Aldís síðar en það..ha?
Í Malmö semsagt var einnig frekar mjög mikið heitt. Við fórum samt víða, eða eins og litlir fætur gátu. Það er ekki ég sem er með litlar fætur og sannarlega ekki hann pabbi. Eiginmaðurinn er ekki með neitt stórar fætur en hann var ekki vandamálið, það voru auðvitað krakka fæturnir sem urðu kannski helst til þreyttir á þramminu.
Nú. Hér koma nokkrar myndir frá Malmö.
-
-
Þeir í Malmö hafa græna, oft þrefalda strætóa
-
-
Stræti og torg, torg og stræti. Ekkert svo mikið um hjól þarna en af og til.
-
-
Fallega skreytt húsin.
-
-
Sól og blíða og eitthvað að sjá
-
-
Ráðhúsið á torginu. Flott bygging og okkur tókst að lesa okkur til um það að húsið hefur verið í byggingu síðan 1800 og eitthvað.
-
-
Þau voru þyrst í hitanum greyin. Eins gott að við tókum sólbrillurnar með. Ég hefði annars bara dáið.
-
-
Skoða sig um og virða fyrir sér hið ýmsa
-
-
Ég spáði mikið í það hvernig þessum auglýsingum hefði verið komið fyrir þarna hátt uppi. ..fékk ekki niðurstöðu
-
-
Hún svaf svolítið, kannski ekkert svo mikið að gera í vagninum akkúrat þarna.
-
-
Við áðum til þess að borða nesti. Nestið var skinku og súkkulaði horn, ávextir og fleira gúmmelaði sem Eiginmaðurinn útbjó. Ó svo gaman.
-
-
Heimsmálin í Malmö rædd yfir ferðakaffibolla. Kaffidrykkju skil ég ekki enda drekk aldrei neitt svart, en kaffidrykkju í 100gráðu hita skil ég enn síður.
-
-
Falleg húsin í Malmö og afar skemmtilegt gallerí sem ég fór inní þar, einnig þessi smábúðagata
-
-
Húsið hans Níls Hammers
-
-
Sprengjan á torginu
-
-
Mér þótti þessir fyndnir. Gaffall í svíni..
-
-
Hortensía (held ég örugglega), afar falleg
-
-
MEGA flott hjól, eiginlega of flott, eiginlega svo pípandi flott að ég bara trúði varla mínum eigin augum. Íhugaði sterklega að taka það með heim.
-
-
Við fórum inní kirkju, tók ekki eftir því hvaða kirkju því miður, en fagurt var inní henni. Þar tók Fagri lagið..
-
-
Og Sprengjan messaði. Kannski var hún að biðja Guð um að láta hraðskutlu bíða eftir okkur fyrir utan kirkjuna svo við þyrftum ekki að labba meira en ég held því fram að hún hafi verið að mess. Hún er náttúrulega fædd í sigurkufli og mér segja það fróðari en ég að þeir sem fæðast í sigurkufli séu líklegir til þess að verða prestar.
-
-
Svo kvöddum við Malmö eftir stutt en góð kynni í þetta skipti.
En gaman! Ég get nú sagt þér að við skruppum til Malmö sumarið 2009.