Öll börnin fóru í klippingu um daginn. Ég ákvað að nota nokkra daga til að undirbúa þau, hafandi heyrt verri sögur af Bóndanum þegar hann var lítill og ekki mátti klippa hann. Allir voru alveg á  því að fara í klippingu og var fröken Hitt Fíbbl svo bráðlát (sem hún er allldrei..) að hún klippti bara sjálf á sig topp tveimur dögum áður en hún fór í klippinguna. Ég var í marga daga að uppgötva hár, það lá í öllum hornum.

Frumburður vildi ekkert láta klippa sig mikið enda er hann að safna og ætlar að vera eins og hann hefur séð pabba sinn á myndum.. og þá skiptir ekki máli hvorn pabbann er talað um.

Og til að nýta góðan veðurdag síðustu helgi þá fórum við í garðinn á horninu. Mínir erfingjar eru uppí í þessu tré.

ég var þarna líka, en í gerfi páskaunga, ég vildi ekki að ómæld fegurð mín myndi draga að sér of mikla athygli.

Afbragðs leikborg í þessum garði.

það er sjónvarp þarna uppá sko, hann er ekki með einrænu að horfa á bókahilluna..

Sturtu gaman…

9 ára unglingurinn sem fær svona 300 skapsveifluköst á dag.. ætti ég að sækja um læknishjálp bara strax… þá meina ég fyrir sjálfa mig, þegar þar að kemur.

Og þessi hefur ekkert þörf á því að hafa lokað Christianiu hjólið í helli rigningu, hann hefur pagggraplíh (sem er regnhlíf).

Hann er 4 og hálfs árs þessi ormur þarna í hjólinu og þessa dagana vella uppúr honum gullkornin. Hann er hættur að vera barn og er orðinn krakki.

Það er þannig á voru heimili að ekkert barnanna man efitr að sturta niður né þvo sér um hendur, ég hef ekkert verið að ganga á eftir Bóndanum inná bað, ég er ekki það heimilisgeggjuð þó ég viti að það séu margir sem halda það.

Þannig að ég segi alveg 3×5 sinnum “sturta niður og.. þvoooo henduR”.. enginn hlustar að sjálfsögðu, ég er að hugsa um að kaupa mér þokulúður og blása í hann í staðinn.. en Örverpi sagði síðan við mig í gær þegar ég var búin að verka á honum aftur endan, heldur önugur.. ” þú þarft ekki að segja alltaf það sama við mig”.. “ég er ekki eins og  kggggrakkarnir” – þar hef ég það.

Svo var hann að éta þennan dásamlega banana í gærkveldi og ég hvæsti (því ég var búin að segja það milljónsinnum) að hann ætti að fá sér að drekka og koma sér uppí rúm bara enn ú enn A. Sá stutti ” mamma.. ég er ekki með þgggrjár hendur..” ..”ég get ekkert gert allt í einu”. Jább.. ég fæ þetta allt í hausinn.