Erfinginn sem ég prjónaði

Er komið nóg af fréttum um þennan blessaða Erfingja? Síðasti þátturinn af annarri seríu var í sjónvarpinu hér í gær, jiiii krakkar, ég hélt ég myndi springa. Hér kemur samt ein frétt í viðbót, ég er nefnilega búin með minn Erfingja.

Ég ákvað að nota ekki lopa og ég ákvað að hafa aðeins öðruvísi hálsmál. Eftir á að hyggja hefði ég sennilega átt að prjóna ermarnar lengri og kannski ponsjóið sjálft, ég er ekki viss.

Sennilega ætti ég líka vinna í módel hæfileikum mínum og senda Eiginmanninn á ljósmyndanámskeið.

… ég er nú þegar búin að sækja um í módelskóla.

STAÐREYNDIR

Uppskrift: Arvingen eftir Pia Hernø

Garn: Blackhill Italian Tweed og Blackhill kidsilk

Prjónar: 7

Garnmagn: uþb 400gr Italian Tweed og uþb 200gr Blackhill kidsilk

Ný tækni: Engin

Athugasemdir: Prjóna lengri ermar næst.

Breytingar: Ég vogaði mér að gera annað hálsmál en segir til um í uppskrift, ég prjónaði örfáar umf. slétt og festi svo kantinn niður með rönguna út.

About the Author: Kristin Guðmunds

Ég get ómögulega ábyrgst að þú ekki farir að gráta því þú hefur fengið svo mikinn aulahroll. Ég get heldur ekki ábyrgst að þú móðgist ekki eða pissir í buxurnar af hneykslan. .. ég ætla að skrifa flestum stundum bara það sem mér er hugleikið þá stundina. Ég hef síðan tröllatrú á því að fólk hafi rétt á, og geri það reyndar ótt og títt, að skipta um skoðun. Sem eitthvað nýtt (frá janúar 2016) þá eru hér inni á síðunni hekl og prjónaleiðbeiningar sem fyrst voru á síðu sem tengdist garnverslun sem ég rak.