Garðaprjón

Dömur mínar og herrar! Ég kynni hér garðaprjón, afar erfið tækni sem aðeins færustu prjónarar ráða við!

Djók. Það er lítið mál að prjóna garðaprjón og flest höfum við prufað það á einum eða öðrum tímapunkti í okkar skólagöngu. Ég man mjög vel eftir mínum handavinnukennara í Melaskóla forðum daga og græna kettinum sem við vorum látin prjóna með garðaprjóni.

Þar sem að garðaprjón er í námskrá menntastofnana á Íslandi, má líta á þetta myndband sem upprifjunar tækifæri, eða ef þú ert að læra að prjóna í fyrsta skipti þá hentar það líka, en þá myndi ég kíkja fyrst á uppfitjunarmyndböndin.

About the Author: Kristin Guðmunds

Ég get ómögulega ábyrgst að þú ekki farir að gráta því þú hefur fengið svo mikinn aulahroll. Ég get heldur ekki ábyrgst að þú móðgist ekki eða pissir í buxurnar af hneykslan. .. ég ætla að skrifa flestum stundum bara það sem mér er hugleikið þá stundina. Ég hef síðan tröllatrú á því að fólk hafi rétt á, og geri það reyndar ótt og títt, að skipta um skoðun. Sem eitthvað nýtt (frá janúar 2016) þá eru hér inni á síðunni hekl og prjónaleiðbeiningar sem fyrst voru á síðu sem tengdist garnverslun sem ég rak.