Mín börn eru töffarar. Ég keypti kaskett (derhúfu) handa Örverpinu hinu danska um daginn. Á derhúfunni voru föst sólbgggrriilller. Hann var svo ánægður blessaður að hann svaf með þetta. Hann var því ekki lítið sár (grét eins og einhver hefði bara látið lífið) þegar hann vaknaði um nóttina og uppgötvaði að hann var hvorki með derhúfu né sólgleraugu. Mér fannst það svo sætt að ég gat ekki annað en hlegið að honum og dregið hann nauðugan yfir í mitt rúm þar sem ég hugðist horfa á hann sofa. Þarna er hann með félögum sínum í leikskólanum. Þessi í bláa er Casper og þeir eru bestu vinir.

Þar kom að því.. við fórum í mjög íslenskan verslunarleiðangur hér um síðustu helgi útí Kvickly. Ég verð nú að taka fram að ég versla svo mikið í Kvickly að ég er búin að gerast meðlimur þar og framvísa núna alltaf meðlimskortinu mínu þegar ég versla.. ég fæ útborgað einusinni á ári. Verslunarferðin hljómaði þannig að ég byrjaði á að spyrja meðkomendur mína (Eiginkonan og Örverpið) hvort ekki væri gáfulegt að taka Christiania hjólið undir allar plast flöskurnar sem við vorum að rogast með útí endurvinnslu (sem er við hliðina á Kvickly).. í sameiningu ákvað partýið að það væri óþarfi og rauk Eiginkonan til og tók stærri flöskupokann og Örverpið dró hinn.. ég tók hjól til að bera innkaupa pokana á á leiðinni heim.

Hvað gerðist inní búðinni er önnur saga.. en við þurftum að taka okkur stóra búðakerru og keyra draslinu í henni heim. Okkur leið alls ekkert rónalega.. að keyra allt dótið okkar í búðakerru um götur Kaupmannahafnar.. sem betur fer er ekki svakalega langt heim..

Það var ekki bara í körfunni heldur hélt Örverpið líka á einhverju.. já og

ég var með eitthvað í hjólakörfunni líka. Ég þarf ekkert að útskýra andateppuna sem reið yfir mig þegar ég loksins var búin að húrra upp stigana tvisvar.

Ég keypti meðal annars þennan seríos pakka og bláber frá einhverju fjarlægu landi. Annað bláberið hélt sannarlega að það ætti að vaxa upp til að vera grasker.. stærðin var ótrúleg. Vissuði að það er grænt inní bláberjum?

Til að fagna tilveru bláberja yfir höfuð ákvað ég að kaupa mér bláberjarunna og hann situr núna stoltur og vel vökvaður í gróðrarstöðinni útá öðrum svölunum ásamt hinu grænmetinu þar  við kertaljós og í alveg 16 stiga hita.. klukkan er 23, þetta er Köben fyrir þig!!

Kunnulegt andlit kom við og voru erfingjar vorir eins og flugur á skít, ekki að hann sé neinn skítur, þvert á móti.

Mér fannst þau svo óhress á hinni myndinni að ég neyddi þau í aðra..

þetta er tekið alveg einni mínútu síðar.. fyndið að krakkinn er alltaf að sofna með epli í höndunum.

Sunnudagsmorgun um síðustu helgi og allir í gírnum til að taka til í töskunni sinni og læra heima fyrir mánudaginn. Þess má geta að nú er Frumburðuinn að leika, leikstýra, semja handrit og taka upp kvikmynd. Ég fæ að sjá hana bráðum. Örverpið hefur gerst svo frægur að syngja inná geisladisk með krökkunum á deildinni hans. Ég á alveg frááábæra mynd af honum með þeim, þarf að skanna hana inn og setja hér til sýnis. Ég verð alvarlega vonsvikin ef Hitt Fíbblið verður ekki að alvarlega góðum listamanni..alvarlega. Hún hefur núna krotað allstaðar  (já, er ennþá að..) og hún hefur orðið það fræg að fá ávítur frá kennaranum sínum fyrir að hafa krotað á veggi klósettanna í skólanum…úúúbbbs.

Hjóluðum seinna sama dag yfir til Katrínar. Er hann að pissa þessi?? Við sáum hinsvegar um daginn einn heimilislausan að hafa það kósý fyrir framan sjónvarpið.. verst var að það var búðargluggi og járnrimlar fyrir framan sjónvarpið, kauði virtist hafa það samt náðugt.

ég er mjög heilluð af svona skiltum allskonar. Er þetta ekki flott? Þið getið gefið mér svona í brúðkaupsgjöf.. já, ég hef í hyggju að gifta mig einn góðan veðurdag.. hvort ég verð 35 eða 75 er mér alveg sama um.

og við sáum líka fólk að flytja sófa og það í Christiania hjóli!

Annarskonar hjól, alveg svvvvvaaaakalega flott finnst mér. Er mikið að spekúlera í að gluða málningu á mitt stóra hjól og klæða það með litríku áklæði, en skemmtilegt :)

Ég ætla líka að kaupa mér hús. Helst eitthvað sem heitir flottu nafni eins og þetta. The Aim. Nýjasti draumurinn er að eiga húsnæði sem ..eða vera í húsnæði sem hefur herbergi fyrir alla. Frumburður kvartar oft sáran undan hversu dugleg við hin erum að traðka á friðhelgi einkalífs hans.

Ekki bara ætla ég að kaupa risastórt hús heldur á að vera með því garður og svo ætla ég að eiga líka sumarhús sem ég mun flýja í reglulega, með eða án fólks.. og nei, það verður ekki þannig að sumarhúsið verði án rafmagns, hita eða internets. Ég er nefnilega ástfangin af öllum þessum hlutum. Helst ætla ég að hafa þar uppþvottavél.

Helst er til tíðinda fyrir utan allt þetta að ég fór í fyrsta skipti í andlitsbað. Það er eitt það dásamlegasta sem ég hef gert og ég fer pottþétt aftur. Fyrst það er klippistofa í sama plássi þá fór ég bara í klippingu líka. Hárið á mér var komið niðrí rassskoru en nú er um það bil helmingur þess fokinn.

og þetta er hin nýja ég. Alveg jafn svöl og ég var áður.