Það er til heil vefsíða bara tileinkuð brauði. Það er aldeilis.

Annars þá nenni ég ekki að pósta því alltaf á facebook að ég hafi bloggað. Ég vil bara að fólk kíki hingað inn sjálfkrafa, án þess að ég sé að flagga því eitthvað. Hehe. Ég neita að mata sundurleitan lesendahóp minn á því sem ég hef að segja. Verð samt náttúrulega að pósta þessum pósti á Facebook, ég vil ekki að fólk missi af öllum þeim  fróðleik sem vellur útum eyrun á mér. Og það geri ég af væntumþykju einni saman, ekki af því að ég er athyglissjúkur penni.

Sem er reyndar svo margt, þá það sem ég hef að segja. T.d eins og að þegar erfingjar krúnunnar höfðu lagt sín fallegu höfuð á koddann í gær,  þá fékk ég skilaboð. Skilaboðin bárust úr herberginu við hliðina á stofunni. Þar á Sprengjan heima. Hún var að bjástra eitthvað með símann sinn og sendi mér SMS. Í því stóð: du er bedste mor i hele verden.

Ég mun fara fullkomnuð í gröfina.