Börn hafa eitthvað svo fallegan skilning á lífinu, alveg án þess að það sé verið að mata þau af því, það þarf ekkert alltaf.
Hér rétt í þessu var mér tilkynnt af Örverpinu fagra að hann hefði endalaust líf. Því ef hann deyr þá breytist hann bara í eitthvað annað, flugu, aðra manneskju eða hund eða eitthvað. Því hann hefði jú endalaust líf.
Að mínu viti er sálin ódauðleg og þessvegna er þetta hárrétt hjá honum.
Listinn síðan í gær, gleymdi að setja hann inn:
- Ég er svo þakklát fyrir að það voru ekki pöddur inni í skordýra bitinu sem ég fékk á vísifingurinn um daginn. Það er næst næsti bær við að vera minn versti ótti.
- Ég er svo þakklát fyrir að frk. Bjútíbína svaf lengi í gærkvöldi, ég..já eða geðstirðan þurfti alveg á því að halda
- Ég er svo þakklát fyrir að það er ekki frost heldur er allur snjórinn að fara
- Ég er svo þakklát fyrir að við kenndum úngviðinu Rommí, nú getum við spilað eitthvað annað en endalausan Ólsen Ólsen
- Ég er þakklát fyrir að vera að flytja aftur út, ég hlakka til þess.
Leave A Comment