Þau skiptust á að setja hráefnin oní skál. Sindri sat í sínum stól og horfði á. Það má segja að allt hafi verið í hveiti eftir þetta, það var alltí lagi því kakan er glimrandi góð.
Sindri fékk þríhjól frá ömmu Lóu. Það er meiriháttarflott hjól og hann er mjög ánægður með það. Hann er samt ennþá innan við tveggja ára og hjólar því stundum bara með öðrum fætinum…
Aldurinn hefur hinsvegar ekki hindrað hann í að spila góð lög á píanóið og nota pedalana og allt með. Þarna spila þeir bræður fjórhent.
Það er allt í vösunum hjá þessum börnum. Sunneva kom heim með þessa snigla í húsunum sínum um daginn. Ég var ekkert sérlega hrifin af því en lánaði þeim plastdollu og þau gáfu þeim sykur og settu mold í dolluna til þeirra. Fyrir einhverja töfra (væntanlega náttúrunnar) þá voru sniglarnir horfnir daginn eftir, þeir hafa fengið aukinn kraft af sykurátinu…
Við vorum á leið í göngu eitthvert og biðum meðan Bóndinn fór með borvél til AHG, en á meðan biðum við Sindri úti og þá kom poki fljúgandi, það er s.s pokinn sem svali litli er að benda á.
Fyrir viku kom Sæa í heimsókn. Það var þannig að þegar ég var að þrífa á gistiheimilinu sá ég töskur í þvottahúsinu. Þeim bölvaði ég og varð svona litið (já eða ég þreif í merkimiðann til að sjá nafnið á þorpurunum sem ættu töskurnar) á merkimiðana og sá nafnið hennar Sæu. En spennandi. Sérstaklega fyrir Gumma því hann er mjög hrifinn af henni. Það var því sögustund þegar Sæa kíkti við í kaffi og svo fóru eldrisystkinin í Dýragarðinn með henni á Sunnudaginn.
Annað er við sama heygarðshornið. Við vöknum á morgnana og skutlum liðinu í skólana, þá fer Bóndinn í vinnuna og ég líka. Ég er byrjuð í fjarnámi og það er spennandi, fer í fyrsta flautu tímann á morgun, fyrst það var enginn síðast og svo hefst dönsku námið í endann á September.
Ég skil ekki afhverju ég gleymdi að segja það hér, líklega því ég var of upptekin í að éta það sem kom, en Lóa sendi okkur dýrðarkassa með t.d harðfiski og nóakroppi…..JÖÖÖÖMMMÍ
Æðinslegt að koma til ykkar, takk fyrir mig.
Það er satt, þeir bræður eru að verað ferlega líkir
Dásamlegar myndir!! Sindri á hjólinu alveg geggjuð! Mér finnst hann eins og Gummi þegar hann var lítill! Kannksi set ég myndir á okkar síðu einhvern tímann – þetta er náttúrulega til skammar :S
Já, það er nú alveg kominn tími á mann að senda ykkur “pakka”! enda styttist í afmælið hennar Sunnevu minnar. Er eitthvað sérstakt á óskalistanum hjá henni? Æðislegt að sjá myndir af þessum elskum.
ástarkveðja
mor
p.s. ég prenta alltaf út þessa lesningu handa ömmu þinni og afa og svo liggja þau uppí rúmi á kvöldin, hvort sem það er nú í húsbílnum eða heima og skemmta sér konunglega við lesturinn!