Ég var eiginlega varla búin að sleppa orðinu við hann föður minn í gær, ég var að lýsa því hversu mikill vorhugur væri komin í mig og vorið væri bara komið, temmilega hlýtt, sólskin og svona, þegar byrjaði bara að snjóa…SNJÓA. Ég veit að þið heima eruð ekkert hneyksluð á því að það snjói, en mér finnst það alger tímaskekkja. En svo uppgötvaði ég hvað ég saknaði þess að vera úti í svona snjókomu. Það eru til trilljón gerðir af snjókomu, hagl, slydda. Pínulítil snjókorn sem svífa til jarðar, hlussu stór snjókorn sem líka svífa til jarðar, snjór að meðalstærð sem æðir uppí nefið á manni, slyddu snjókoma sem gerir mann votan í lappirnar og svo er það snjókoma eins og hér í dag. Temmilega meðalstór korn sem reyndar æddu uppí nefið á mér þegar ég hjólaði heim úr spilatíma, sem betur fer var ég með derhúfuna góðu, annars hefði ég þurft að labba, það er ekki hægt að hjóla með snjókorn í augunum. Svo var alveg logn og kanallinn undir Íslandsbryggjubrúnni alveg sléttur og dimmt og götuljós í Köben. Það var einmitt þá þegar ég fattaði að það er til spes snjólykt, hún er af loftinu þegar það er búið að snjóa hressilega í logni og það er hlýtt úti. Venjulega myndi fylgja lýsign á brakandi snjó þið vitið, þegar maður labbar í honum en það er auðvitað ekki svoleiðis hér þar sem grasið er jú búið að vera grænt í allan vetur, gott ef það hefur ekki vaxið smá líka. Það besta við þetta er að loftið er alveg hreint eftir á, svona eins og þegar það er búið að rigna í Reykjavík, maður finnur það svo vel hvað loftið er hreint á eftir. Hlakka allaveg til að koma heim og anda íslensku.
Snjólykt
About the Author: Kristin Guðmunds
Ég get ómögulega ábyrgst að þú ekki farir að gráta því þú hefur fengið svo mikinn aulahroll. Ég get heldur ekki ábyrgst að þú móðgist ekki eða pissir í buxurnar af hneykslan. .. ég ætla að skrifa flestum stundum bara það sem mér er hugleikið þá stundina. Ég hef síðan tröllatrú á því að fólk hafi rétt á, og geri það reyndar ótt og títt, að skipta um skoðun.
Sem eitthvað nýtt (frá janúar 2016) þá eru hér inni á síðunni hekl og prjónaleiðbeiningar sem fyrst voru á síðu sem tengdist garnverslun sem ég rak.
Það er aftur komið vor hér í DK, sem sannarlega er langt fyrir neðan snjólínu, ef það er þá einhverja snjólínu að finna hér..búúheehehe, þetta var þá bara einn snjódagur, eða kvöld mætti segja
…og það snjóar og snjóar og snjóar – allavega hér í hálöndunum sem b.t.w. eru fyrir ofan snjólínu!
jújú, fátt er betra en ferskt snjóloft… Í dag er hinsvegar fersk rigningarlykt og ekki frá því að vorandi sé… Best að vera ekki of bjartsýnn þó sterk sólin skíni og bræði hér allan snjó svo allt er í slyddu og sulli. Nokk týpískt íslenskt. Kossar og knús frá láglöndum HF, sérlega frá heimasætunni sem ósjaldan minnist á ykkur meðlimi félagsbúsins og vilja til að fara til “dammekku” með “fluvé”
Jújú snjólyktin er góð og yfirdrifið nóg af henni hér – common fyrr má nú rota en dauðrota!