Ég gleymdi ekki æstum aðdáendum mínum, sem ég efast ekki um að bíða spenntari en börnin yfir jóladagatali sjónvarpsins, eftir að ég setji mynd á bloggið.. eða ..þúst, þannig.
Ég tók myndir síðustu þrjá daga og fyrir daginn í dag, en var að flytja og internet laus nema í símanum og æ..nennti ekki að pikka heilan bloggpóst í símanum, það er algjört drep.
Hér kemur myndin fyrir föstudaginn.
Ég er hrifin af þessu munstri og teppinu. Alveg dæmalaust mjúkt.
Og þá fyrir laugardaginn
Við Bjútíbína eigum oft góða stund eftir miðnætti þegar allir eru farnir að sofa nema við. Mjög snemma á laugardagsmorgun, svo snemma að ég var ekki viss hvort það væri kannski ennþá föstudagur, lá hún í sínu allra hressasta á lærunum á mér og togaði í tærnar og bragðaði á þeim. Fannst þær ekki slæmar.
Þetta fékk ég síðan frá systur minni þegar Bjútíbína kom í heiminn. Eftir daginn í dag, þó meira að segja kvöldið sé eftir, þá er ég bara nokkuð sannfærð um að lífið sé í reynd yndislegt. Að minnsta kosti er yndislegt að vera hér fyrir norðan í asarigningu (rigning að flýta sér) og roki, hafa útsýni til sjós og fjalla og rólegheitin eru ALGJÖR! Það er nánast ekkert sem fer í gegnum hausinn á mér.
Að næstu áksorun!
Ég fór í sundlaugina hér á Hvammstanga áðan með strákana, Sprengjan varð að vera heima útaf því að hún er með umbúðir á puttanum sem hefur enga nögl. Prufukeyrði sundhreyfingarnar mínar og hlakka bara til að synda 5.6 km í næstkomandi viku. Ég synti heila 300 metra og er skömm að segja að ég sé strax að 1/2 km mun taka í. Lord hvað það er erfitt að rífa sig upp á rassinum og hlunkast af stað.
Planið er s.s svona:
- Mánudagur, 500m
- Þriðjudagur, 600m
- Miðvikudagur, 700m
- Fimmtudagur, 800m
- Föstudagur, 900m
- Laugardagur, 1000m
- Sunnudagur, 1100m
Þetta ætti að gera 5.6 km í einni viku. Ég er afsökuð ef það kemur aftaka veður hér. Gott að ég á sundhettu sem er extra stór, enda gerð fyrir fólk með sítt hár, haha. Ef ég hefði vitað það öll þessi ár sem ég æfði!
Leave A Comment