jæjahh..þá er búið að setja Jússe Bjöllíng á fóninn, Eiginmaðurinn með tár í auga af geðshræringu yfir því og börnin búin að gera sjálfshjálparbækling fyrir sjálf sig svo þau megi lifa af biðina til jóla…já eða er það biðin til pakkanna..
Jólamaturinn á næsta leiti og Fagri minn (Örverpið) enn í náttfötunum. Sannkallaður kósýdagur.
Það er náttúrulega ekki rétt að Jóhannes bróðir vor hafi veitt þennan humar, en í þessari sögu þá gerði hann það. Full ofnskúffa af humri.
Og blessað jólatréð. Hóflegt magn pakka finnst mér þessi jólin. Var það reyndar líka í fyrra og síðastliðin 4-5 ár, ég er bara alltaf hrifin af hóflegu magni pakka. Það var hér um árið, þegar við bjuggum á Hvammstangabraut 7, að mér gjörsamlega blöskraði pakkaflóðið, það var í alvöru, ekki bara í ýktri minningunni, þannig að það sást bara í 1/10 af jólatrénu!
Hallilúja!
Nú liggja fallegu pakkarnir snyrtilega innpakkaðir af öllum sendendum, undir trénu, ekki yfir og alltum kring. Litaþemað í ár er rautt, hvítt og brúnn. Flottastir pakkarnir frá systur minni, en þeir eru pakkaðir í nótnapappír. Ekki bara elska ég nótur heldur líka endurnýtingu. Win, win.
Gleðileg jól allir saman svo. Ég skrifaði ekki jólakort í ár. Ég veit ekki hvort þessi siður er að deyja út eða hvað.. en mögulega skrifa ég að ári, eða ekki :)
G L E Ð I L E G J Ó L!
Elska ykkur, mínar kæru meðmanneskjur, alveg eins og þið væruð ég sjálf, sem þið síðan eruð.
Leave A Comment