Svo æði margt búið að vera að gera. Um daginn fórum við í fjárhúsin í Gröf. Þar er Eydís með nokkrar, eða eiginlega all margar rolluskjátur. Þær voru æstar í að hitta drottninguna af Félagsbúinu! Það ætlaði allt um koll að keyra og vildu uppúr krónum komast.
Þetta er aðal hrúturinn. Man ómögulega hvað hann heitir en hann er bæði gæfur og graður.
Í fjárhúsunum í Gröf er líka þessi krúttbomba. Hún heitir Hátign og er bara helmingur af venjulegri kind.. þ.e.a.s hún er pínulítil, alveg ferlega sæt.
Fagri sat og gaf og gaf. Hann er algjör bóndi í sér. Þeim líkaði best við hann öllum kindunum.
Hófst þá fíflagangurinn. Eiginmaðurinn var settur á garðann. Rollan sem átti plássið sem hann var settur á var heldur betur súr í bragði og stóð hreint ekki á sama að þarna væri kominn einhver karlsrass.
Hún lét þá bara til skarar skríða og heimtaði með látum aftur plássið sitt! Bókstaflegur yfirgangur.
Hann slapp með skrekkinn sem betur fer.
Meiri hamagangur í öskjunni. Við urðum, eða ég borgarbarnið varð í fyrsta skipti vitni af live getnaði kinda. Það fannst mér um margt merkilegt. T.d hve stuttan tíma herleg heitin tóku. Það tók hrútinn reyndar smá tíma að stíga í vænginn við hana þessa, en þegar uppá var komið erum við að tala um tvær til þrjár sekúndur. Þannig það tekur bara 3 sek að búa til 3 lömb..?
En við vorum alsæl með ferðina og lyktuðum vel og lengi eins og fjárhúsið. Fjölskyldan í Fjárhúsum, vantar bara Bjútíbínu á myndina.
Settum hana bara í kindanáttföt í staðinn af tilefninu :)
Leave A Comment