Tag: brúðkaup
Afhverju kemur þetta upp þegar ég googla “brúðarterta” ?
Annars á ég erfitt með að nota orðið brúður. B R Ú Ð U R. Minnir mig á að vera dúkka. Og brúðkaup… kaupa brúði, kaupa dúkku. Ég veit samt að það er brúða sem þýðir dúkka… þú veist.. ekki alveg halda að það hafi verið helt úr mér vitinu.
Það er þá bara þannig að Bóndinn sé að kaupa sér dúkku þann 16.júlí.
Þér er boðið! Öllum lesendum lifandi dagbókar minnar er boðið. Þetta er á Auðunarstöðum 16.júlí kl 13. Kaffi á eftir í Víðihlíð. Láttu mig bara vita á netfangið ef þú vilt koma :) Það verður án efa merkilegt þegar Bóndinn kaupir dúkku, eitthvað sem allir vilja sjá og enginn mun gleyma.
Tag: brúðkaup
Rétt kæri lesandi, ég ætla að ganga í það heilaga um næstu helgi. Það þýðir að ég hef bara viku til að: finna kjól, finna föt á aðra meðlimi fjölskyldu, vita með hverju ég ætla að lappa uppá salinn, finna uppá veislukaffinu og svo er þarna ábyggilega eitthvað sem ég er að gleyma. Ég fatta það meira að segja núna í þessum skrifuðu orðum að ég lofaði prestinum að finna uppá einhverjum pappírum sem tengjast þessum atburði.
Hringar? Nei, ekki komnir í hús ennþá.
Ég veit ekki hvort ég hefði frekar bara átt að ganga inná sýslumanninn og biðja hann að rumpa þessu af, eða ráða mér aðal brúðarmey og láta hana standa í undirbúningi fyrir mig, að amerískum sið. Svona er þegar allar vinkonur og systur eru fjarlægar, sú fyrsta ekki einusinni innan við 1000km radíus á þessu landi.. eða eitthvað þannig.
Mér finnst tryllt flókið að velja kjól. Ennþá flóknara að velja á Sprengjuna… hún myndi líklega strjúka að heiman og setjast að í frumskógi meðal villtra dýra heldur en að láta sjá sig í þessu:
Afhverju kemur þetta upp þegar ég googla “brúðarterta” ?