Stjörnuhekl
Stjörnuhekl, það er það heitasta í dag, svo segir internetið alla vegana. Þessvegna hef ég tekið uppá því að búa til leiðbeiningarpóst um hvernig á að henda saman tusku, teppi já eða hverju sem er með stjörnuhekli. Eða þetta er ein útgáfa af stjörnu hekli.
Uppskriftin
Lykkjur í mynstrinu:
kl = keðjulykkja
ll = loftlykkja
fp = fastapinni (sumstaðar kallað fastalykkja)
hst = stuðull
Hekla ll í margfeldinu 2 + 1 þar til óskaðri lengd er náð. Þ.e upphafs loftlykkjukeðjan endar á sléttri tölu og svo ein lykkja, sem er snúningslykkja.
Upphafsumferð: draga upp lykkju í gegnum aðra lykkju frá nál, draga upp lykkju í gegnum næstu fjórar ll (6 lykkjur á nál), kl (þetta gerir miðjuna á stjörnunni), *draga upp band í miðjunni, draga upp band í aftari legginn/lykkjuna á síðastu lykkju stjörnunnar á undan, draga upp band í sömu ll (á loftlykkjukeðjunni) og síðasta lykkja síðustu stjörnu er í og draga upp band í næstu tveimur ll (6 lykkjur á nál), sækja bandið og draga í gegnum allar lykkjur á nál*, endurtaka frá *-* út umferð, hst í síðustu ll.
1. umferð: 1 ll, 1 fp í fyrsta hst, 1 fp í miðju næstu stjörnu, *2 fp í miðju næstu stjörnu*, endurtaka *-* út umf, 1 fp í ll síðustu umferðar.
2. umferð: 2 ll, draga upp lykku í gegnum fremri lykkju á fyrstu ll, draga upp band í aftari lykkju á fyrstu ll (s.s tvisvar í gegnum sömu lykkjuna), draga upp lykkju í gegnum næstu þrjá hst (6 lykkjur á nálinni), sækja bandið og draga í gegnum allar lykkjur á nálinni, kl (fyrsta stjarnan komin), *draga upp band í miðjunni, draga upp band í aftari legginn/lykkjuna á síðastu lykkju stjörnunnar á undan, draga upp band í sömu ll (á loftlykkjukeðjunni) og síðasta lykkja síðustu stjörnu er í og draga upp band í næstu tveimur ll (6 lykkjur á nál), sækja bandið og draga í gegnum allar lykkjur á nál*, endurtaka frá *-* út umferð, hst í síðustu ll.
Endurtaka umferð 1 og 2.
Ganga frá endum.
Kantur: Frjáls aðferð :)
Skýringamyndir
Myndirnar eru ögn óskýrar.. vonandi er hægt að nota þær samt. Verð að nota betri myndavélina næst.
Ég gerði síðan tusku úr þessu stjörnuhekli. Á hér til nokkuð af afgöngum af Mandarin Classic og nál nr. 4 sem mér finnst passa mjög vel í tuskur. Ég gerði ekki kannt á tuskuna, bleiki kláraðist og mér fannst hvorki töff né kúl að hafa annan lit í fasta pinnum í kring, það kom ekki vel út. Ef ég myndi setja kannt, myndi ég alltaf setja fastapinna í kring í sama lit og tuskan og gera svo einhverjar krúsídúllur.
Þetta má síðan auðvitað nota í hvað sem er, þarf ekki að vera tuska, getur verið teppi, eða hvað eina.
Takk fyrir að deila þessu með okkur
Sigrún, önnur umferðin er nefnilega svolítið spes. Það á s.s að draga tvisvar band uppúr einni loftlykkju. Einusinni að framan og einusinni að aftan. Kíktu á þetta vidjó: https://www.youtube.com/watch?v=DLFuiVy-Obg
Þar er sýnt hvernig á að gera þetta :)
Næ ekki alveg hvernig á að byrja á annari umferð:)
Hæ Erla
Já það eru fastapinnar í 1.umf.
Umferð 1, eru það fastapinnar sem eru gerðir í miðju stjörnunnar,en ekki hálfstuðlar,
Ég heklaði einu sinni stórt lopateppi með þessu hekli, en var gjörsamlega búin að steingleyma hvernig ég gerði það og gat ekki rifjað það upp. Takk kærlega
Ég gerði einusinni kúruteppi með stjörnuhekli og einföldum plötulopa, það kom virkilega vel út.
Takk fyrir frábærar leiðbeiningar.
Kveðja
Margrét s. J.
Takk kærlega fyrir þessar leiðbeiningar, mjög vel útskýrt og myndirnar bara mjög skýrar. Ég ætla að prófa þetta fallega stjörnuhekl og gera handklæði.
Kveðja
Guðrún
Þetta er frábært og takk kærlega fyrir að deila þessu með okkur :)
mbk
Hafdís